იგრედიენტები

• კომბოსტო - 1 კგ
• ნიგოზი - 200 გ
• ქინძი - 1 კონა
• ახალი ხახვი - 1 კონა
• ბროწეული - 1 ცალი
• ნიორი - 4 კბილი
• უცხო სუნელი, ყვითელი ყვავილი, ხმელი ქინძი - 1 ჩკ
• მჭადის ფქვილი - 500 გ
• შაქარი - 1 სკ
• პურის ფქვილი - 1 სკ
• მარილი - 1 ჩკ

                                                                   მომზადების წესი 

კომბოსტო გავყავი ოთხად და მოვხარშე, გავწურე კარგად და ძალიან წვრილად დავკეპე. დავამატე ნიგოზი ერთი კონა ქინძი, ერთი კონა ახალი ხახვი, 1 ცალი ბროწეული (უხდება ძალიან), 4 კბილი ნიორი, თითო ჩაის კოვზი უცხო სუნელი, ყვითელი ყვავილი, ხმელი ქინძი გემოვნებით მარილი, სიმწარე, ძმარი. გამოვაცხვე აჭარული ხაჭაპურის ფორმის მჭადები. 500 გ მჭადის ფქვილს დავუმატე 1 სკ შაქარი, 1 სკ პურის ფქვილი, 1 ჩკ მარილი, თბილი წყალი თვალის ზომით დავამატე, მოვზილე კარგად, მივეცი ფორმა და გამოვაცხვე ბევრ ზეთში.

გემრიელად მიირთვით